Shembja e shtëpive te “5 maji”/ Shtohen tensionet mes banorëve dhe policisë, një i ri lidhet me pranga mbi çati

Mëngjesin e sotëm IKMT ka nisur aksionin për shembjen e banesave në zonën e “5 majit” në Tiranë, në kuadër të procesit të rindërtimit.

Ky aksion u shoqërua me tensione dhe përplasje mes banorëve dhe policisë.

Banorët u kanë dalë përpara fadromave duke refuzuar kështu që të largohen nga pronat e tyre.

Disa madje ndërmorën veprime ekstreme, ku janë lidhur me pranga në portat e banesës.

Banorët e kanë kundërshtuar shembjen e banesave pasi e konsiderojnë vendimin si të njëanshëm dhe të padakordësuar me bashkinë. Sot ishte afati i fundit për banorët për lirimin e banesave. Ata pretendojnë se nuk janë lajmëruar për prishjen e objekteve.

Në total IKMT-ja ka shembur katër godina në zonën e “5 majit”. Banesa e fundit ku është ndërhyrë ishte ajo në një shtëpi përballë shkollës “Ardian Klosi”.