LIGJET E BIZNESIT
Menjëherë pas përplasjeve të forta që po ndodhin në selinë e Partisë Demokratike, ka ardhur dhe reagimi i Policisë së Shtetit.
Uniformat blu kanë mohuar përfshirjen në këtë situatë, duke lëshuar dhe një paralajmërim se cilido që përfshihet në akte dhune apo prishje të rendit dhe të sigurisë, do përballet me ligjin.
“Sqarojmë opinionin publik se asnjë nga strukturat e Policisë së Shtetit të angazhuara për garantimin e rendit dhe sigurisë nuk është përfshirë në asnjë veprim dhe nuk ka hedhur asnjë send të kundërligjshëm në selinë e Partisë Demokratike, gjatë protestës që është duke u zhvilluar.
Policia e Shtetit është tërësisht e angazhuar për të garantuar rendin e sigurinë dhe u bën thirrje qytetarëve që të distancohen nga çdo akt dhune apo prishje e rendit dhe sigurisë, pasi do të përballen me forcën e ligjit”, konfirmon policia.
Gjatë minutave të fundit ka patur hedhje gazi lotsjellës brenda selisë së PD-së, ndërkohë që brenda saj janë futur mbështetës të Berishës, të cilët po thyejnë xhamat e selisë dhe të makinave që ndodhen të parkuara aty.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
