LIGJET E BIZNESIT
Presidenti Ilir Meta nuk i ka kursyer kritikat dhe ironitë ndaj Lulzim Bashës, pasi u pyet për kontributin e LSI në mbështetjen e kryetarit të shkarkuar të PD.
Meta tha se bashkëshortja e tij, Monika Kryemadhi i dha besën Bashës dhe dogji 19 mandate, ndërkohë që bashkëshortja e Bashës nuk i dha as votën burrit të saj.
Sipas Metës, është e patolerueshme që vendi të shkojë në krizë besimi për shkak të sjelljeve të Bashës.
Kreu i shtetit kujtoi që për shkak të situatës në PD, Basha lëviz me polici kudo ku shkon.
“Sa ka bërë gruaja ime për të nuk ka bërë gruaja e tij. Gruaja e tij ka rrezik që edhe votën nuk ia ka dhënë. Ndërsa gruaja ime i dha besën dhe dogji 19 mandatet që nuk i kishte marrë ajo. Por që të jetë vendi në këtë situatë dhe ti të shkosh me polici sa andej dhe këndej, nuk shkon”, tha Meta në ‘Now’ me Erla Mëhillin në Euronews Albania
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
