LIGJET E BIZNESIT
Ish-ministri i Jashtëm Ditmir Bushati në 30-vjetorin e FRESSH ka deklaruar se ai është sot në politikë falë këmbënguljes së liderit të PS dhe kryeministrit Edi Rama.
“Falë këmbënguljes dhe lidershipit të Edi Ramës, besimit tek vlerat demokratike të qendrës së majtë, mbështetjes së pakursyer të socialistëve, e konsideroj privilegj përfaqësimin e tyre në të gjitha nivelet. Duke dhënë kontributin tim për një Shqipëri më të drejtë, më të mirë dhe më të zhvilluar. Për një PS si alternativa më e mirë dhe jo e keqja më e vogël.
Si gjenerata e re e PS ju ftoj ta konsideroni politikën si mision fisnik, në funksion të shërbimit dhe ndryshimit për më mirë të Shqipërisë. Të besoni te demokracia, ajo mund tju zhgënjejë por nuk ju tradhton. Të besoni te forca dhe vlera e fjalës. Te vërtetësia e mendimeve që çlirojnë energji pozitive”, tha Bushati ndër të tjera.
Në fjalën e tij, Bushati u ndal dhe te kriza në PD.
“Krizën e paprecedentë që po përjeton opozita, duhet ta shohemi me shqetësim dhe njëkohësisht si mundësi për të shtuar përpjekjet tona për nëj PS më të hapur, më demokratike dhe inspiruese të një kulture të re politike që ofron mundësi për të gjithë”, u shpreh Ditmir Bushati.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
