“Hapëm dyert e blinduara” Berisha prononcim për mediat pas protestës në selinë e PD

Në një prononcim për gazetarët pak orë pas përfundimit të protestës për marrjes së selisë së PD, ish-kryeministri Sali Berisha deklaroi se sot u përjetua qëndresa e madhe e demokratëve dhe se ata u konfirmuan si opozita e vetme në vend.

“Përjetuam një betejë për të qendruar opozita e vërtetë e shqiptarëve, të vendosur për të mbrojtur pluralizmit politik në Shqipëri, si edhe për t’u përballur me binonim Rama-Basha”, tha Berisha duke këmbëngulur se protesta e sotme ishte paqësore.

Berisha tha se pasi nuk e mbajti dot selinë me personat që kishte brenda, thirri sipas skenarit të parapërgatitur për ndihmë narkopolicinë, të cilët ndërmorën një terror të paparë ndonjëherë ndaj demokratëve në protestën e tyre paqësore.

Ish-kryeministri tha se protesta kishte detyrë që të hapte dyert e blinduara nga Basha.

“Protesta i hapi dyert”, u shpreh ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern