“Do hidhesha nga kati i 3″/ Arjola tregon historinë e saj tragjike: Me 3 fëmijë të vegjël kërkova azil. Depresioni më rrënoi

Arjola përloti gjithë publikun sonte kur tregoi në Big Brother historinë tragjike të jetës së saj.

E gjitha nisi kur ajo me tre fëmijë, u nda nga bashkëshorti pasi mësoi se ai e tradhtonte prej 6 vitesh.

Ajo tha se e lënduar dhe e rënduar psikologjikisht, vendosi që bashkë me tre fëmijët e saj të shkonte në Suedi për azil, një udhëtim sfilitës, tregoi Arjola, që kishte zgjatur 18 orë.

Ajo tregoi se shumë herë ka qarë në banjo që fëmijët e saj mos ta shihnin.

Por drama e saj nuk përfundon këtu.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Arjola tha se në 2014 vendosi të kthehej në Tropojë, ku prindërit e saj e pritën me shumë dashuri, por ajo ende ishte rëndë psikologjikisht.

“Ishte pikërisht ky moment , kur thashë pse o Zot dhe u ngjita në katin e 3 dhe doja të hidhesha”, u shpreh Arjola mes lotësh, duke treguar se ishte pikërisht nëna e saj që e kishte ndaluar dhe e ‘kishte sjellë në vete’, duke i ‘kujtuar’ edhe tre të vegjlit e saj.

“Më erdhi mami nga pas dhe më tha ‘E dini sa kam vuajtur që t’ju rris, ku do të shkosh, ku do t’i lësh fëmijët?’ Mami im nuk ka qenë dakort për divorcin, nuk ka dashur, donte të luftoja. Është e vështirë që në Tropojë t’ua hapësh derën vajzave, është shumë e vështirë”, përfundoi ajo.