LIGJET E BIZNESIT
Artisti i njohur Ed Sheeran ka habitur të gjithë fansat e tij. Ai ka planifikuar të ndërtojë një dhomë varrimi nën dyshemenë e kishës së re në formë varke e cila po ngrihet në mjediset e mini-fshatit të tij në vlerë prej 4.4 milionë euro në Suffolk të quajtur Sheeranville.
Sipas DailyMail, fotografitë tregojnë se objekti i kultit aktualisht është në ndërtim e sipër dhe është i mbuluar me skela, teksa së shpejti mund t’i bashkohet një zonë varrimi në të cilën do të futej përmes një pllake në dysheme.
Planet e fundit nënkuptojnë qartë se ylli 30-vjeçar i popit mund të varroset në mjediset e shtëpisë së tij në fshatin Framlingham në qoftë se planet që janë paraqitur për varrin marrin miratimin nga oficerët e këshillit.
Vendi i këngëtarit britanik është modeluar me mure të lakuara në plan dhe në lartësi, të cilat i japin një ndjesi gjithëpërfshirëse në formë varke.
Sheeran, fitimet e të cilit arrijnë në 264 milionë euro neto, fillimisht nuk arriti të merrte leje për një kishëz në kopshtin e tij, por në 2019-n ai paraqiti plane të zvogëluara të cilat u miratuan nga fqinjët e tij si dhe nga këshilli i famullisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
