Aksion i madh/ Ishin të fshehura në banane, sekuestrohen 400 kg kokainë në Mal të Zi

Një aksion i madh është zhvilluar në Mal të Zi.

Policia ka arritur të sekuestrojë 400 kilogramë kokainë të fshehur në arka me banane.

Mësohet se droga vinte nga Ekuadori.

Mediat vendase raportojnë se ishin punonjësit e kompanisë së bananeve ata që njoftuan policinë, e cila mbërriti menjëherë në vendin e ngjarjes ku dhe konstatuan kokainën mes arkave.

Ndërkohë bëhet me dije se kanë nisur hetimet për kompaninë “Derby” që është në pronësi të biznesmenit Dragan Bokan. Ende nuk ka një reagim zyrtar nga firma në fjalë. Ndërkohë policia ka marrë edhe deklaratat e punonjësve.