“Vetëm kulturë nuk ka” Mariana Kondi bën deklaratën e fortë, rrëfen përplasjen me ministren e Ramës

Aktorja e njohur shqiptare Mariana Kondi ka treguar sot detaje nga jeta e saj.

Ajo nuk ka lënë pa përmendur fillimin e karrierës, projektet e saj, ndërsa u ndal gjithashtu dhe te përplasja me ish-ministren e Kulturës Mirela Kumbaro.

Pak kohë më parë, aktorja dhe ish-ministrja u përplasën gjatë një mbledhjeje së zhvilluar nga kryetari i bashkisë së Tiranës me aktorët për çështjen e Teatrit.Aktorja e drejton gishtin ndaj ish ministres për largimin e saj nga Teatri.

“Drejtori është një hiç, një njeri që është turp ta zësh me gojë. Në fakt, unë derisa të kem frymë do t’i mësoj fëmijët që dikur ka qenë një ministre e Kulturës që vetëm kulturë nuk ka, do t’ju tregoj se si i largonte nga puna njerëzit.

Do t’jua mësoj deri në frymën e fundit. Unë nuk kam nevojë të bëj teatër. Është një punë e shkëlqyer të merresh me fëmijët dhe t’i mësosh se si të aktrojnë. Ama këtë gjë do ta çoj deri në fund se si dikur ka qenë një ministre që hiqte nga puna njerëz të aftë.”, u shpreh Kondi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern