Të bllokuar prej shumë orësh nga dëbora/ Fëmijë, të moshuar dhe gra përjetojnë ‘tmerrin’ në Korçë

Dëbora vijon të krijojë probleme në lëvizjen e mjeteve në aksin Shtyllë- Panarit. Një banor ka njoftuar se 3 mjete xhipa ishin bllokuar pasditen e kaluar në zonën e quajtur “Mashkullorë” të Korçës në këtë aks pasi trashësia e dëborës ishte e konsiderueshme.

Në mjetet e bllokuara kanë qenë 15 persona nga fshati Panarit mes tyre 2 fëmijë, 2 të moshuar, 1 grua dhe pjesa tjetër të rinj.

Një prej të rinjve në mesazhin që dërgon në FaxNews thotë se kanë punuar mes acarit për të mundësuar lëvizjen e mjeteve por nuk ja kanë dalë dot pasi temperaturat ishin shumë të ulta.

Fadroma e autoriteteve nuk ka mundur të ndërhyjë nga terreni I vështirë. Pas kësaj 15 personat midis tyre fëmijë e pleq kanë zbritur në këmbë drejt fshatit duke ecur të paktën 2 orë në këmbë midis dëborës. Banorët apelojnë që autoritetet të vijonë hapjen e rrugës pasi ka nga ata që duhet të bëjnë blerje ilacesh por edhe rezerva ushqimore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern