LIGJET E BIZNESIT
Gjatë fjalës së tij në stadiumin “Air Albania” , ish-kryeministri Sali Berisha u foli të djathtëve për rithemelimin e Partisë Demokratike.
Por ai nuk harroi të përmendte dhe ambasadoren e SHBA në Tiranë Yuri Kim, ku ka thënë se i vjen keq kur sheh se sillet njësoj siç bënte dikur ambasadori i Bashkimit Sovjetik në Tiranë.
“Për të gjitha këto arsye themelore, demokrate dhe demokratë në mbarë vendin u bashkuan me nismën e “Foltores” dhe ata vendosën që të rithemelojnë PD-në, që ne sot e bëjmë realitet. “Foltorja” ishte uragani që kaloi nga qyteti në qytet. Ju kërkuat që PD të rithemelohet. Kundër nesh peng-kryetari me të gjithë mbështetjen e qeverisë, por ne u përballëm me një ndërhyrje brutale të diplomatëve dhe zyrtarëve nga një vend mik, SHBA-ja.
Me këtë rast unë dua të theksoj dhe t’u them këtyre zyrtarëve se ne jemi një komb i vjetër në historinë tonë pakkush më shumë se ne ka pasur të bëjë me superfuqitë e kohërave nga lashtësia deri sot. Bashkimi Sovjetik ashtu sikur e cilësoi Regan, ishte perandoria e së keqes, e degradimit të njeriut, e mjerimit, e dhunës, terrorit. E kundërta e tij janë SHBA-të. Perandoria e lirisë, e vlerave. Vendi i madhi lirisë ka bërë për lirinë e shqiptarëve më shumë se çdo vend tjetër në botë. Është e dhimbshme të shohësh ambasadoren e SHBA-së të sillet si guvernatore, njëlloj si dikur ambasadori Sovjetik në Tiranë” tha ai.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
