“Në janar mund të dalë dhe…” Pas skandalit të pagave, eksperti i IT nxjerr prapaskenat

Në janar mund të dalë një tjetër databazë me të dhënat e qytetarëve shqiptarë.

Paralajmërimin e ka dhënë eksperti i IT Gentian Progni.

I ftuar në studion e “ABC live”, duke diskutuar skandalin, ai tha se aplikacioni e-Albania duhet të ishte mbyllur, pasi dëmi i publikimit të këtyre të dhënave sensitive është shumë i rëndë.

“Duhet të ishte mbyllur e-Albania. Në janar mund të dalë një databazë tjetër të dhënash. Me të dhënat që kanë dalë mund të hapen profile false”, tha eksperti.

Progni përjashton mundësinë e ndonjë hakerimi, pasi sipas tij të dhënat dolën nga brenda, nga persona që kanë akses.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Është nga brenda, kryqëzimi i të dhënave nuk bëhet nga jashtë”, tha ai, duke shtuar se drejtoresha e AKSH-it duhet të ishte dorëhequr.