“Koha jote mori fund” Berisha ultimatum Ramës: Do ta provosh shumë shpejt se sa do paguash

Ish-kryeministri Sali Berisha u shpreh sot nga Durrësi se Partia Demokratike është çliruar nga pengmarrja.

Ai e quajti kryetarin aktual Lulzim Basha si besëprerë, koha e së cilit ka marrë fund, pas shkarkimit të tij nga 4446 delegatë të Kuvendit të 11 dhjetorit dhe rreth 44 mijë anëtarëve në Referendumin e 18 dhjetorit.

Një paralajmërim Berisha kishte edhe për Edi Ramën.

“Sot jemi të lirë sepse pavarësisht nga regjimi i krimit, nga dhuna dhe presioni, ne vendosëm këtë vjeshtë të ngrihemi si njerëz të lirë. Ne vendosëm t’i themi besëprerit se koha jote mori fund, ne vendosëm t’i themi Edvin Ramës se mos luaj me opozitën. Shumë shpejt do ta provosh sa shumë do të paguash për lojën tënde me pluralizimin dhe opozitën shqiptare”, u shpreh Berisha.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern