“I shpërtheu lënda plasëse në dorë” I riu humbi jetën, policia jep detajet për ngjarjen në Cërrik

Dalin detaje të reja nga ngjarja e rëndë në Cërrik, ku një i ri ka humbur jetën si pasojë e shpërthimit të një lënde plasëse.

Viktima është identifikuar si shtetasi Erion Rexhepi, 27-vjeç.

Nga burime policore, mësohet se të  riut i ka shpërthyer në dorë një sasi tritoli dhe për pasojë nuk ka mundur të mbijetojë.

E gjithë skena ka ndodhur në rrugën kryesore në dalje të banesës së tij, ndërkohë që ende nuk dihen motivet.

NJOFTIMI ZYRTAR I POLICISE

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Më datë 30.12.2021, rreth orës 12:15, në aksin rrugor Elbasan-Belsh, në vendin e quajtur ‘Kryqëzimi i lagjes nr. 3’, Cërrik, në rrugë, dyshohet shtetasit E. R., 27 vjeç, banues në Cërrik, i ka shpërthyer një sasi lëndë plasëse në dorë dhe për pasojë ka humbur jetën.

Në vendngjarje ka mbërritur grupi hetimor dhe nën drejtimin e Prokurorisë po vijon puna për sqarimin e rrethanave të ngjarjes.