“Basha ik” Ndodh incidenti i parë në oborrin e PD, të pranishmit gjuajnë me sende të forta

Pak para se të niste zyrtarisht protesta e thirrur nga ish-kryeministri Sali Berisha, në oborrin e selisë së PD është shënuar dhe incidenti i parë duke rritur kështu tensionet.

Simpatizantët e mbledhur për protestën e thirrur nga Berisha kanë gjuajtur me sende  të forta në drejtim të godinës së selisë blu.

Ata janë dëgjuar të thërrasin “Basha ik” dhe të shprehen me fjalë fyese.

“Turp, turp, poshtë kriminelat”, dëgjohen të thonë ata.

Në këto momente tensioni, ish kryeministri Berisha nuk kishte mbërritur ende në selinë e PD.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë që Berisha ka lajmëruar që do të ketë një fjalim në oborrin e selisë së PD-së dhe më pas protesta do të vijojë drejt Kryeministrisë.