Risi në Kongresin e PS/ Zbardhen 5 vendimet e rëndësishme që u miratuan

Kongresi i jashtëzakonshëm i Partisë Socialiste ka miratuar sot 5 vendime të propozuara nga Asambleja Kombëtare.

Nisur nga këto vendime, do të ngrihet një Komision i Posaçëm bashkangjitur analizës për zgjedhjet e përgjithshme të 25 prillit.

Një tjetër vendim është zhvillimi i zgjedhjeve të reja në strukturat vendore të PS si dhe hapja e partisë me një fushatë anëtarësimesh.

Po ashtu në PS tashmë do të funksionojë një regjistër digjital.

VENDIMET E MIRATUARA NGA KONGRESI

Miratimi i Vendimeve të Asamblesë Kombëtare të Partisë:

Vendim “Për ngritjen dhe funksionimin e Komisionit të Posaçëm të Analizës për Zgjedhjet e Përgjithshme të 25 Prill 2021”;
Vendim “Për zhvillimin e analizave për rezultatin e zgjedhjeve të përgjithshme të 25 Prillit 2021”;
Vendim “Për zgjedhjet e reja në strukturat vendore të partisë”;
Vendim “Për zhvillimin e fushatës së anëtarësimeve të reja në parti”;
Vendim “Për përfundimin e procesit të ngritjes dhe funksionimit të Regjistrit Digjital të Partisë”;
Vendim “Për miratimin e Kalendarit Politiko-Organizativ të Partisë për periudhën Qershor-Dhjetor 2021”.