Ra nga autobusi dhe ndërroi jetë në spital, reagon policia: Mjeti kreu manovra të rrezikshme

Policia e Elbasanit ka reaguar për aksidentin e ndodhur mbrëmjen e kaluar, ku një pasagjere u hodh nga autobusi, për t’i shpëtuar rrezikut , por fatkeqësisht ndërroi jetë në spital.

Policia thotë se ka ndërruar jetë 47-vjeçarja M. K., e cila është rrëzuar nga mjeti, pasi shoferi ka kryer manovra të rrezikshme. Për pasojë, blutë e Elbasanit kanë arrestuar shoferin e autobusit, 49-vjeçarin D. P.

“Arrestohet shtetasi D. P., 49 vjeç, banues në Elbasan, pasi në fshatin Tregan, Elbasan, duke drejtuar mjetin autobus ka kryer manovra të rrezikshme dhe për pasojë është rrëzuar nga autobusi pasagjerja shtetasja M. K., 47 vjeçe, banuese në fshatin Jagodinë, Elbasan, e cila për shkak të plagëve të marra ndërroi jetë në spital”, thuhet në njoftimin e policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern