LIGJET E BIZNESIT
Ish-kryeministri dhe lideri historik i PS Fatos Nano uroi sot gjithë socialistët, me rastin e 30 vjetorit të lindjes së partisë më të madhe në vend.
Në fjalën e tij për kongresin e Partisë Socialiste, ai theksoi se fitorja e mandatit të tretë qeverisës, është frymëmarrje për Shqipërinë.
Nano deklaroi se PS tashmë e ka si objektiv madhor për vendin, integrimin në BE të Shqipërisë.
“Kam drejtuar Shqipërinë, kur PS e bëmë parti të parë në vend. Ky është përvjetor që na jep krenari të gjithëve. Në 30 vjet kemi ruajtur traditat më të mira, duke ecur me hapin e kohës. Jemi sot e vetmja forcë politike, duke formuar lidershipe të reja. Përshëndetje Edi, ta kalojmë stafetën, duke pasur breza që europianizojnë Shqipërinë.
Fitorja e mandatit të tretë të PS frymëmarrje për shqiptarët. Ju uroj të gjithëve suksese. Të vazhdojmë reformat, që të bëjmë Shqipërinë pjesë të BE-së. Do të vazhdojmë punën me korrektësi dhe kam besim se me Ramën dhe me bekimin e Zotit do të përmbushim objektivat. Të vazhdojnë ditët e bardha për Shqipërinë. Gëzuar Përvjetorin Historik”, deklaroi Nano.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
