E vr au për 4 mijë euro/ Pasi qëlloi të motrën, autori doli duke bërtitur: “E kam të vdekur në shtëpi!”

Të tjera detaje tronditëse mësohen nga vrasja e Diana Vukës në qytetin e Shkodrës. I vëllai, Fabian Vuka, ka pasur një sherr banal me të motrën për një porosi që kjo e fundit kishte bërë në një mobileri, për orendi të reja shtëpiake. Viktima kishte një javë që kishte ardhur nga Gjermania për pushime në Shkodër dhe kishte bërë afro 4 mijë euro porosi orendi shtëpiake për banesën në Velipojë e për shtëpinë ku jetonte i vëllai që e vrau.

I vëllai nuk ka qenë dakord për këtë porosi dhe vetëm pak ditë më parë, më 5 qershor, ka telefonuar kompaninë ku motra e tij kishte bërë porosinë e mobiljeve dhe e ka ofenduar. Më pas sherri mes motër e vëlla ka degraduar duke bërë që Fabian Vuka të merrte armën dhe të qëllonte të motrën për vdekje. Pas krimit ai ka marrë sërish kompaninë e mobileje duke u thënë: A doni me fol me motrën time, nuk keni ku ta merrni, s’keni shans të flisni më me të!

Në dy ditët në vijim, nën efektin e alkoolit shtetasi Fabian Vuka ka dalë në lagje duke i thënë të tjerëve se: Kam vrarë motrën, e kam në shtëpi të vdekur! Nga gjendja e tij akush nuk e ka marrë seriozisht, por një ditë më voë, mikësha e viktimës bashkë me fqinjët kishin nisur të shqetësoheshin.