“Avokati ishte në tavolinë me viktimën” Drejtori i Policisë së Tiranës tregon detajet nga ekzekutimi pranë Gjykatës

Drejtori i Policisë së Tiranës Rebani Jaupi ka dhënë detaje nga  ekzekutimi i Kudret Saliajt nga ish-vjehrri i tij, Mexhit Picari.

Nga vendi ku ndodhi krimi në afërsi të Gjykatës së Rrethit, ai tha se në tavolinë me viktimën në lokal ishte dhe avokati  Adriatik Cama, i cili mbeti i plagosur.

Sipas  Jaupit,  bashkëshortja  e viktimës ishte e arrestuar më parë për dhunë në familje.

“Si rezultat i kontrolleve të shpejta u bë kapja e autorit dhe shoqërimi në polici.

Viktima ka pasur një proces të gjatë divorci. Bashkëshortja ka qenë e arrestuar për probleme të dhunës në familje.  Po bëheshin seanca për divorc në këto kushte, babai i vajzës ka goditur ish dhëndrin e vet.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Gjatë kësaj ngjarje është plagosur edhe avokati që ishte në tavolinë bashkë me viktimën. Ka dëshmitare okularë. Është e dokumentuar autorësia”, u shpreh Jaupaj.

Sipas policisë, ngjarja ka ndodhur pas një konflikti në familje, por i plagosur ka mbetur edhe ish-prokuroriAdriatik Cama, i cili ndodhet jashtë rrezikut për jetën.

Në konflikt është përfshirë Mexhit Picari, i cili ka qëlluar me arme per vdekje ish-dhëndrin e tij, shtetasin Kudret Saliaj që ishte ne proces divorci me gruan dhe sot ishte seanca e radhës, por qe nuk u zhvillua.

Sipas dëshmitarëve, pas ngjarjes ish-Prokurori Cama ka qenë i vetëdijshëm dhe ka qëndruar aty derisa ka mbërritur policia. Ai ka qenë i tronditur për ngjarjen dhe nuk ka pranuar që kolegë të tij ta dërgonin në spital.

“Rreth orës 11:50, në bulevardin “Gjergj Fishta” dyshohet se shtetasi M. P. ka vrarë me armë zjarri shtetasin K. S. ( ish-bashkëshortin e vajzës) dhe si pasojë e të shtënave është plagosur dhe shtetasi A. C., i cili ndodhet jashtë rrezikut për jetën.

Shërbimet e Policisë vijojnë krehjen e zonës për kapjen e autorit të dyshuar, shtetasi M. P”, thotë policia.

Nga policia janë ngritur pika kontrolli në hyrje dhe dalje të qytetit të Tiranës.

Grupi hetimor, në bashkëpunim me Prokurorinë, po punon për sqarimin e rrethanave të ngjarjes.