Zjarr në Tiranë/ Përfshihet nga flakët një pallat 12 katësh, ja zona në të cilën ndodhet

Paraditen e sotme ka rënë zjarr në një pallat 12 katësh në zonën e “Medresesë” në Tiranë.

Mësohet se flakët kanë përfshirë dy katet e fundit të godinës që aktualisht është në ndërtim.

Për fat të mirë banesat e tjera nuk rrezikohen.

Shërbimet e zjarrfikëses kanë mbërritur në vendin e ngjarjes dhe po punojnë për shuarjen e flakëve.

Ndërkohë grupi hetimor po punon për sqarimin e rrethanave.

NJOFTIMI ZYRTAR I POLICISE

Rreth orës 08:30, tek “Medreseja” ka rënë zjarr në katin e fundit të një pallati në ndërtim ku ka vetëm dëme materiale.

Sherbimet e zjarrfikses ndodhen në vendngjarje dhe po punojnë për fikjen e zjarrit. Grupi hetimor po punon për sqarimin e rrethanave të ngjarjes.