“Zero shqetësim” Raporti për shkarkimin e Metës, reagon menjëherë Presidenca: Ja deri kur do të qendrojë ne detyrë

Pas seancës së fundit të Komisionit Hetimor që po zhvillohet aktualisht dhe deputeti Alket Hyseni po lexon raportin, ka reaguar dhe zëdhënësi i Presidencës Tedi Blushi.

Ai thekson se nuk do të ketë asnjë koment dhe se presidenti Ilir Meta do të vazhdojë detyrën e tij deri në 24 korrik 2022.

REAGIMI I PLOTE:

Asnjë koment dhe zero shqetësim për çdo vendim nul apo veprimtari antikushtetuese dhe antiligjore të Kuvendit njëpartiak, që tenton me dëshpërim të shmangë vëmendjen nga debati publik për krimet e faktuara zgjedhore të 25 prillit, autorët dhe frymëzuesit, tutorët dhe bashkëpunëtorët e tyre, të angazhuar në këtë farsë kundër të vetmit institucion, që respekton dhe mbron Kushtetutën e Republikës së Shqipërisë dhe sovranitetin e saj.

Presidenti i Republikës Sh.T.Z Ilir Meta do të vazhdojë të ushtrojë detyrën e Tij deri më 24 korrik 2022, me të njëjtën përgjegjësi të lartë, vetëm në respekt dhe mbrojtje të Kushtetutës dhe interesit kombëtar.