LIGJET E BIZNESIT
Policia e Tiranës ka dhënë informacion zyrtar rreth plagosjes së një të riu sot pasdite.
Ngjarja ndodhi në rrugën “Liman Kaba”, pranë kompleksit Dinamo dhe Rrugës së Kosovarëve, në afërsi të një lokali.
Burime bëjnë me dije se në rrethana ende të paqarta është plagosur me armë zjarri shtetasi Reginaldo Kaçorri, 19 vjeç.
Ai ndodhet në spital, nën kujdesin e mjekëve teksa dyshohet se u qëllua nga dy persona.
Policia është vënë në kërkim të të dyshuarve.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Autoritetet thonë se e gjithë ngjarja ka ndodhur pas një konflikti të çastit mes të rinjve në një lokal.
NJOFTIMI ZYRTAR I POLICISE
Rreth orës 15:45, në rrugën “Liman Kaba”, në afërsi të një lokali, në rrethana ende të paqarta është plagosur dyshohet me armë zjarri shtetasi R. K., 19 vjeç, i cili ndodhet në spital, nën kujdesin e mjekëve.
Paraprakisht dyshohet se ngjarja ka ndodhur pas një konflikti të çastit me dy shtetas ende të paidentifikuar nga ana e Policisë.
Grupi hetimor ndodhet në vendngjarje dhe po punon për sqarimin e rrethanave të ngjarjes dhe mbledhjen e çdo prove të mundshme që do çojë në identifikimin dhe kapjen e autorëve.
