LIGJET E BIZNESIT
Dënohet me dy vite burg ish-ministri i Shëndetësisë së Kosovës, Numan Baliç.
Ai është shpallur fajtor për veprën penale “sulm seksual”.
Baliçit do t’i llogaritet edhe koha e kaluar në paraburgim dhe arrest shtëpiak.
Ditën e enjte gjykatësi Shaqë Curri shpalli dhe aktgjykimin sipas të cilit ish-numrit një të Shëndetësisë në Kosovë i është komunikuar dhe dënimi plotësues, ndalimi i ushtrimit të profesionit të mjekut në periudhë prej dy viteve.
Në seancën e shqyrtimit fillestar të mbajtur në tetor të vitit të kaluar, Baliç kishte thënë se nuk ndihet fajtor për veprën që është akuzuar nga Prokuroria Themelore e Pejës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Sipas aktakuzës së 29 shtatorit të vitit 2020 Baliç akuzohet se më 12 gusht të atij viti me dashje, e në cilësi të profesionistit shëndetësor ka keqpërdorur gjendjen shëndetësore të viktimës A.I, dhe i ka kërkuar që ta prekë me qëllim seksual pa pëlqimin e saj, ndërkohë që viktima atë natë ka qenë duke e shoqëruar foshnjën gjashtëmuajshe, të hospitalizuar në repartin e ortopedisë.
Lajmi për vendimin ndaj Baliçit vjen pak ditë pasi mediat lokale në Kosovë kanë shpërndarë një video ku pretendohet për ngacmim seksual të një të miture nga tre fëmijë, në oborrin e shkollës “Faik Konica” në Prishtinë.
