Situata nga pandemia drejt lehtësimit? Silva Bino jep lajmin e mirë: Ja çfarë mund të ndodhë këtë verë

Shefja e departamentit të Epidemiologjisë dhe Sëmundjeve Infektive në ISHP ka komentuar situatën e pandemisë në vend, duke dhënë dhe sinjale pozitive për të ardhmen.

Ajo tha se sugjeron që maskat të mos mbahen më me detyrim në ambientet e hapura, por vetëm në ato të mbyllura, si qendra tregtare apo markete.

Ndërsa, e pyetur se çfarë do të ndodhë me dasmat këtë verë, ajo tha se ato mund të organizohen, por jo me grumbullime të mëdha si zakonisht. Mirë do ishte që numri të jetë i reduktuar, më pak se 100 persona.

“Do sugjeroja, personalisht që mbajtja e maskave në publik të mos mbahet më. Por mbajtja e maskave në ambiente të mbyllur, duhet të mbajnë të gjithë maska. Në markete, në qendra tregtare. Në vende ku ka grumbullime njerëzish duhen mbajtur.Ka njerëz që edhe pse e kanë kaluar, nuk kanë krijuar imunitet dhe mund të riinfektohen. Mund të kemi mutantë. Përderisa e kemi mes nesh, Covidi është sëmundje e re, nuk mjafton një vit për ta njohur. Ne duhet të jemi sa më të kujdesshëm, kjo do të vlerësohet pastaj në bazë të studimeve, për të parë edhe impaktin e vaksinave.” tha Bino.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern