LIGJET E BIZNESIT
Deri më tani, SPAK ka sekuestruar një shumë të konsiderueshme parash KESH, para të cilat janë dhënë në dorë pas operacioneve të kryera nga mjeku Edvin Prifti.
Oficerët e policisë gjyqësore kanë verifikuar çdo shumë monetare, për të mbështetur në procesin gjyqësor akuzën për pastrim parash.
Referuar informacioneve nga grupi hetimet, bëhet me dije se shuma kesh e sekuestruar deri më tani është 1 miliard lekë.
Kardio-kirurgu i njohur Edvin Prifti është nën akuzë për korrupsion aktiv prej më shumë se 8 muajsh. Vendimi i arrestit u apelua dhe Gjykata e Shkallës së Dytë vendosi arrestin shtëpiak teksa i hoqi të drejtën e ushtrimit të profesionit deri në përfundimin e hetimeve.
Mësohet se kardio-kirurgu paguhej me para në dorë nga pacientët dhe këto para nuk kalonin në rrugë zyrtare. Për të shkuar më tej, për këto shuma nuk janë paguar tatimet për sa kohë nuk janë deklaruar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Edvin Prifti ka deklaruar më herët se këto para i siguronte falë operacioneve që kryente edhe jashtë vendit. Shumë prej tyre janë kryer në Kosovë, Mal të Zi, Kanada dhe Amerikë.
