LIGJET E BIZNESIT
Ritmi i fushatës së vaksinimit të Evropës është rritur tej mase dhe në shumë vende normat e infeksionit kanë rënë ndjeshëm.
Gradualisht bllokimet po lehtësohen përpara stinës së verës dhe sezonit turistik. 27 vendet anëtare të Bashkimit Europian po synojnë të kenë një certifikatë dixhitale të vaksinimit për udhëtime deri në fund të muajit qershor.
Franca kaloi kuotën e 20 milionë personave të cilët kanë marrë të paktën një dozë të vaksinës kundër virusit të rrezikshëm. Lehtësimi i masave nisi javën e kaluar, me rihapjen e dyqaneve, të restoranteve dhe objekteve kulturore.
Lajmi u bë me dije nga kreu i Elizesë Emmanuel Macron dhe kryeministri i vendit në rrjete sociale.
Në Spanjë, turistët zbarkuan në plazhet përrallore. Kjo, pasi disa rajone të vendit filluan të hapen gradualisht pas njëperiudhe të gjatë izolimit total.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pjesa më e madhe e Italisë tanmë është në një “zonë të verdhë” që do të thotë se baret dhe restorantet janë të hapura. Shumica e studentëve janë rikthyer përsëri në shkollë, dhe disa ngjarje kulturore në natyrë janë të lejuara.
Në fillim të muajit maj, Greqia po ashtu rihapi plazhet, baret dhe restorantet. Turizmi është një sektor jetësor për ekonominë greke teksa lehtësimi i masave pritet të ndihmojë këtë sektor i cili bëri që viti 2020 të ishte viti rekord më i keq i parë ndonjëherë për sektorin e turizmit.
