“Jam e tronditur” Iku nga Shqipëria pas humbjes në zgjedhje, Rudina Hajdari del me reagimin e fortë

Ndërkohë së fundmi ajo ka dalë me një reagim të fortë në lidhje me rastin e rëndë ku 5 persona përdhunuan në grup 15-vjeçaren nga Mirdita.

Duke marrë shkas nga protesta që u mbajt dje në Tiranë, Hajdari shpreh solidaritetin e saj dhe tregon se është e tronditur nga ngjarja.

Ajo shkruan se vetëm ndëshkimi i rreptë dhe edukimi që fëmijë na jep siguri se ky fenomen do të shuhet e vajzat e gratë do të jetojnë pa frikë se dhunohen e përdhunohen në Shqipëri.

“Mirënjohje për të gjithë ata qytetarë që ngritën zërin dhe treguan revoltë karshi aktit barbar të 5 meshkujve ndaj një adoleshenteje.

Përdhunimi është një plagë e cila rri e hapur gjithë jetën te një femër.

Është traumë fizike dhe psikologjike.

Si nënë e një vajze jam e tronditur nga ai akt dhe i bëj thirrje organeve të drejtësisë të aplikojnë dënimin maksimal për përdhunuesit.

Vetëm ndëshkimi i rreptë dhe edukimi që fëmijë na jep siguri se ky fenomen do të shuhet e vajzat e gratë do të jetojnë pa frikë se dhunohen e përdhunohen në Shqipëri.

Respekt për këdo që sot reagoi”, thekson Hajdari.