LIGJET E BIZNESIT
Me shpalljen e ish-kryeministrit Sali Berisha si non grata nga SHBA, opinioni publik është ndarë në dy, ka nga ata që e duartrokitën dhe të tjerë që e shohin si një veprim që do forcojë më shumë kryeminisytrin Edi Rama.
Sipas analistit Fatos Lubonja drejtësia selektive është më e keqe se sa mungesa e drejtësisë. Mbrëmjen e sotme në “Real Story” në News24 ai tha se ‘të heqim një Berishë se qenka radikal’, është të dobësosh opozitën dhe të forcosh një regjim. Sipas tij, Edi Rama ka një projekt të qartë për të eliminuar rivalët.
Ndërkohë gazetari Mentor Kikia në Ora News u shpreh se Berisha ka pasur një rol të rëndësishëm në Partinë Demokratike, dhe sipas tij SHBA, po bën përpjekje për ta larguar nga politika.
“Nxjerrja e deklaratës sot ka të bëj me kontekstin politik në Shqipëri. Varet si do ta komentojmë apo do ta shikojmë favorin që mund t’i bëhet PD, si përpjekje për ta nxjerrë Sali Berishën tashmë jashtë lojës politike. Është tjetër gjë nëse flitet për akuzat që flitet për korrupsion, nuk është një çështje që i takon DASH që të ngrejë potenca mbi zyrtarë të vendeve tjera, por ajo që mund të bëhet përmes këtyre metodave është skena për ta nxjerrë jashtë lojës politike. Mund të jetë një përpjekje pasi PD është duke mbajtur zgjedhje të brendshme”.
Ndërsa ish-prokurori, Shkëlqim Hajdari u shpreh se sot ka ndodhur një ngjarje historike që sapo ka filluar lidhur me shpalljen non grata të Berishës nga SHBA.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Hajdari në Ora News: Sot ka ndodhur një ngjarje historike që sapo ka filluar. Gjithçka është e qartë SHBA-të disponojnë prova qe Berisha bashkë me familjarë e zyrtarë është përfshirë në afera korruptive. Kjo duhet ta gëzojë popullin shqiptarë. Nëse SPAK i kërkon provat DASH i sjell ato në Shqipëri. Ky është fillimi i një tërmeti për ata zyrtarë që kanë abuzuar.
