E rëndë/ U plagos gjatë sherrit me thika, ndërron jetë në spital 22-vjeçari shqiptar në Angli

Një ngjarje e rëndë është shënuar së fundmi në Britaninë e Madhe.

Mësohet se një i ri shqiptar ka ndërruar jetë pas plagëve të marra gjatë një sherri me thika.

Mediat angleze raportojnë se viktima quhet Armend Xhika dhe ishte 22-vjeç.

Ai u godit me thikë gjatë një sherri të dhunshëm në Earl Marshal Road, Burngreave, mëngjesin e së enjtes, 13 maj.

Xhika u dërgua në Spitalin e Përgjithshëm të Veriut me plagë të rënda, megjithatë fatkeqësisht vdiq.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sherri i dhunshëm u raportua nga banorët e zonës në rrugën afër Kirton, Pitsmoor. Nga sherri një 20-vjeçar tjetër mbeti i plagosur. Ndërsa një 30-vjeçar u arrestua nën akuzën e vrasjes, por më pas është vënë nën hetim në gjendje të lirë.

Në pranga po ashtu ka rënë një tjetër i ri rreth 20-vjeç i cili akuzohet për plagosje të rëndë, po ashtu edhe një vajze iu vunë prangat nën akuzën se ka ndihmuar autorin e plagosjes.