Moti kthesë të papritur/ Vendi pushtohet nga reshjet e shiut, ja parashikimi për sot

Pas ditës së djeshme me temperatura të larta dhe kohë të kthjellët në të gjithë territorin e vendit tonë, duket se sot moti ka marrë një kthesë të papritur.

Parashikimi vjen nga Shërbimi Meteorologjik Ushtarak.

Kështu, mësohet se deri në orët e mesditës moti pritet të jetë me vranësira mesatare deri të dendura dhe shoqëruar me reshje shiu të herëpashershme me intensitet të ulët deri dhe mesatar në formën e shtrëngatave.

Pas orëve të pasdites përsëri kthjellët. Për shkak të reshjeve të shiut dhe masave ajrore me origjinë veriperëndimore parashikohet dhe rënie e ndjeshme e temperaturave në vlerat maksimale.