Ç’po ndodh në Krujë? FNSH dhe policia e Tiranës rrethojnë qytetin që në pikë të mëngjesit

Mëngjesin e sotëm rreth 15 grupe të Forcave të Ndërhyrjes së Shpejtë kanë zbarkuar në Krujë.

Në këtë aksion ku po veprohet për të asgjesuar parcelat e mbjella me kanabis, po marrin pjesë dhe Policia e Tiranës së bashku me atë të Krujës.

Mësohet se po kontrollohen zonat e Malësisë së Krujës dhe Nikël.

Sipas uniformave blu, Nikla dhe Ishmi janë ndër zonat ku dyshohet se është mbjellë një sasi e konsiderueshme kanabisi.

Kujtojmë se vetëm javën e kaluar në këtë zonë u asgjesuan 2 mijë rrënjë të dyshuara me kanabis sativa.

Situata në zonën e Krujës është konsideruar si problematike gjithmonë përsa i përket kultivimit të lëndëve narkotike.