LIGJET E BIZNESIT
Një javë pasi deputeti i opozitës së re Ralf Gjoni, vendosi të nxirrte disa lëpirëse në sallën e Kuvendit në shenjë proteste ndaj kolegëve, ai ka marrë një ndëshkim për gjestin e bërë.
Mësohet se byroja e Kuvendit ka marrë vendimin për ta përjashtuar atë 10 ditë nga punimet parlamentare.
Deputeti është përjashtuar për sjellje të pahijshme.
Kujtojmë se e gjithë skena ndodhi në seancën e fundit, ku duke kritikuar shembjen e godinës së Teatrit Kombëtar, Gjoni i cilësoi deputetët si lëpirësa dhe nxorri nga xhepi disa të tilla.
Fillimisht ky veprim shkaktoi të qeshura, por një javë më pas duket se është konsideruar si një sjellje e pahijshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
REPLIKAT NE KUVEND:
Ralf Gjoni: Cdo komb krenohet me historinë e tij. Edhe Kopenhagu mbrojti portin e Peshkatarëve të vjetër. I kanë mbajtur, i kanë ruajtur megjithëse janë si kolibe po t’i shohësh nga jashtë. Cfarë lloj speciesh jeni mor? A ka ndonjë socialist që lidhet me Tiranën? Lëpirësa lolipopi, juve meritoni vetëm lolipop.
Ruçi: Zoti deputet, ju tërheq vëmendjen për etikën parlamentare. Nuk të kërkova se ç’fut nëpër xhepa. Në daç mbaji në xhep në daç mbaji në gojë. Unë flas për ato që nxjerr ti nga goja, jo për ato që ti fut në gojë.
