LIGJET E BIZNESIT
Nën operacionin e koduar “BOOKING”, Policia e Durrësit ka arrestuar sot tre persona (mes tyre dy vajza) pasi akuzohen për mashtrim.
Kështu, në pranga kanë rënë shtetasit B. G., 43 vjeçe, S. G., 24 vjeçe dhe M. B., 31 vjeç, banues në Durrës.
“Pas një hetimi disamujor u siguruan prova bindëse për veprimtarinë kriminale të këtyre shtetasve, për të cilët Prokuroria urdhëroi ndalimin e tyre.
Nga hetimet e kryera dyshohet se këta shtetas, në bashkëpunim me njëri-tjetrin, kanë përfituar shumën 84.000 euro, nëpërmjet kartave të klonuara, duke mashtruar shtetas të huaj që kryenin rezervime në hotele për turizëm.
Materialet procedurale në ngarkim të këtyre shtetasve, do t’i kalojnë Prokurorisë pranë Gjykatës së Shkallës së Parë Durrës, për veprime të mëtejshme procedurale, për veprën penale “Mashtrimi kompjuterik”, thuhet në njoftimin zyrtar të policisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
