LIGJET E BIZNESIT
Militantët pro Iranit kanë mësyrë për të dytën ditë ambasadën e Shteteve të Bashkuara në Bagdad, në përpjekje për t’u futur brenda, ndërsa marinsat amerikanë të dislokuar aty janë kundërpërgjigjur me gaz lotsjellës.
Protesta e dhunshme nisi si kundërpërgjigje për sulmet amerikane në territorin irakian ndaj grupimit Kataeb Hezbollah që mbështetet nga Irani. Për të mbajtur sa më gjatë rrethimin e kompleksit të godinave, protestuesit kanë instaluar skara për gatime dhe tualete publikë.
Në një postim në Twitter të martën, Presidenti amerikan Donald Trump akuzoi pikërisht Iranin që ka orkestruar këtë mësymje. “Irani do të mbajë përgjegjësi të plotë për jetët e humbura apo dëmet e shkaktuara në kompleksin tonë. Do ta paguajë shtrenjtë. Ky nuk është një paralajmërim, por kërcënim”, shkroi Trump.
Nuk vonoi edhe përgjigja e liderit suprem të Republikës Islamike, Ajatollahut Ali Khamenei, i cili tha në një fjalim televiziv se vendi i tij ishte gati t’i kundërvihej kërcënimeve amerikane. Ai dënoi gjithashtu sulmin amerikan, ndërsa më pas ngriti tonet në një postim në Twitter: “Së pari, nuk mund të bësh asgjë prej gjëja. Së dyti, njerëzit e kësaj zone e urrejnë Amerikën, pse nuk e kuptoni këtë?”. (A2 CNN)
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
