Turqia goditet nga disa tërmete rradhazi, dalin pamjet e frikshme që shkaktuan lëkundjet (VIDEO)

Turqia është goditur së fundmi nga një valë tërmetesh, ku u regjistruan tre lëkundje të forta brenda pak orësh.

Autoritetet turke të Sizmiologjisë bëjnë me dije se një tërmet me magnitudë  5.6 të shkallës Rihter ndodhi dje në rrethin Akhisar të Manisa-s në 22:22 me orë lokale. Pastaj, në orët e mëngjesit, dy tërmete radhazi me magnituda 3.8 dhe 4.5 u shënuan në rrethin Akyurt të Ankarasë.

Sipas informacioneve gjithsej ka patur 200 pasgoditje.

Mësohet se katër persona kanë shkuar me urgjencë në spital në Manisa, ndërkohë që nuk raportohet për viktima apo dëme të mëdha materiale.

Lëkundjet janë ndjerë të forta dhe në qytetet më të mëdha si Bursa, Balkesir apo Stambolli.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mediat vendase shprehin edhe panikun e madh që kanë kaluar qytetarët ndërkohë që në video kanë dalë dhe pamjet e para të momenteve dramatike gjatë dhe pas lëkundjeve të tërmetit.