Skenë si nëpër filma/ Grabitet argjendaria e kunatit të Bashkim Finos, si ja morën çelësat ‘skifterët’ në shtëpi

Një ngjarje e rëndë ka ndodhur në Librazhd, ku gjatë natës është grabitur një nga bizneset më të njohura të qytetit.

Bëhet fjalë për dyqanin e argjendarisë në pronësi të biznesmenit Skënder Xhani, i cili njëkohësisht është kunati i deputetit të Partisë Socialiste Bashkim Fino.

Plani është realizuar në kohë rekord nga “skifterët” , të cilët kanë vepruar sipas një plani të organizuar mirë.

Fillimisht për të kryer vjedhjen, grabitësist janë futur në shtëpinë e biznesmenit për të marrë çelësat.

Më pas ata kanë hyrë në biznes ku kanë marrë gjithçka çfarë kanë mundur.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ende nuk ka të dhëna për vlerën e grabitur të mallit.

Ky biznes, i konsideruar si një nga më të mëdhenjtë e qytetit, nuk është hera e parë që bie pre e grabitjes, pasi dhe gjatë 2019 aty u kryen dy vjedhje me një vlerë prej dhjetëra miliona lekësh.

Policia ka shkuar në vendngjarje dhe po punon për dokumentimin e të gjitha provave si dhe pamjeve filmike të kamerave të sigurisë, për të identifikuar dhe kapur autorët e kësaj vjedhjeje.