LIGJET E BIZNESIT
Eugenio Galdon është miliarderi spanjoll, i cili këtë verën e vitit të kaluar, ra pre e sulmit të pronarit të restorant “Panorma” në Porto Palermo, Mihal Kokëdhima.
Të gjithë e mbajmë mend videon që terrorizoi opinionin publik, ku vetë biznesmeni i njohur në Spanjë Galdon dhe familja e tij, u sulmua me dhunë nga Kokëdhima, për shkak të një keqkuptimi në lidhje me faturën ne restorantin në pronësi të tij.
Mirëpo këtë herë lajme të mira vinë nga spanjolli Galdon, i cili ka deklaruar sot se do të rikthehet në Shqipëri për të ndërtuar një shkollë të dëmtuar nga tërmeti.
Lajmin e bën me dije ministri i Turizmit Blendi Klosi, i cili ka zhvilluar sot një takim me biznesmenin në Madrid.
“Në Madrid, mëngjesi me Eugenio Galdon, që nga një incident i papranueshëm në verë, është shndërruar tashmë në mikun e Shqipërisë. “Sa më shumë kalon koha, aq më shumë Shqipëria fiksohet në memoriet tona si vendi i një panorame natyrore të jashtëzakonshme dhe njerëzve mikpritës. Mihal Kokëdhima nuk përfaqëson as Shqipërinë dhe as shqiptarët”- thotë Eugenio.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Familja Galdon do të rikthehet në Shqipëri, por këtë herë në një tjetër cilësi: kontribuesit për rindërtimin e një shkolle të dëmtuar nga tërmeti. Kontributi i kësaj familje, do të vijë përmes Kryqit të Kuq dhe vetë djemtë e familjes Galdon do të jenë prezentë në vendin tonë”, bën me dije ministri Klosi.
