Qytetarë me fraktura nga akulli në rrugë, 20 të lënduar, 2 drejt Tiranës

Ndonëse në kryeqytet përballemi me një kohë të mirë e me temperatura të larta, në qytetin e Korçës, mëngjesi i sotëm është zbardhur me ngrica.

Vala e papritur e ngricave në qytetin e Korçës, bëri që 20 qytetarë të përfundonin në urgjencën e spitalit.

Persona të grupmoshave të ndryshme, kanë pësuar fraktura ndërsa dy prej tyre janë dërguar drejt Tiranës, për mjekime më të specializuara.

Ndërkaq, mjegulla gjatë ditëve të fundit, ka shkaktuar edhe vështirësi për lëvizjen e automjeteve.

Segmenti Korçë-Kapshticë paraqitet problematik, ndërsa specialistët e qarkullimit rrugor bëjnë thirrje që drejtuesit e mjeteve të tregojnë më shumë kujdes gjatë lëvizjes në këtë segment por edhe në të gjitha akset.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern