LIGJET E BIZNESIT
Pas ndërprerjes së energjisë elektrike që bënë punonjësit e stacionit të pompimit të ujësjellësit dhe elektrikut në Pocem, duke u ngritur kështu në shenjë proteste pasi nuk kanë marrë rrogat, ka ardhur dhe reagimi i OSHEE.
Në njoftimin zyrtar, OSHEE thekson se ky është veprim i paligjshëm dhe si pasojë e stakimit të energjisë, kanë mbetur një sërë fshatrash pa energji elektrike.
Ndër të tjera ky institucion thotë se ka bërë dhe kallëzim penal për punonjësit në organet kompetente.
REAGIMI I PLOTE I OSHEE
Ju vëmë në djeni se sot në orën 08:30 është stakuar pa lajmërim dhe në mënyrë të paligjshme NST Poçem 35/6kV asset i Rafinerisë Ballsh ish-#ARMO (shoqëri private Bylis Energy) nga punonjesit e kësaj shoqërie.Si pasojë e stakimit të energjisë, kanë mbetur pa energji 4 linja 6kV të rrjetit shpërndarës të #OSSH, të cilët furnizojnë konsumatorët, objektet e rëndësisë së veccantë si Ujësjellësi i qytetit Ballsh, objekte të prodhim shfrytëzimit të Naftës të zonës përrreth, popullatën e zonës si fshatrat Drizar, Kremenar, Kapaj, Selic, Gjerbes, Selic, Ceril, Fratar, Minaz, Kadurov, Bejar, Malas, fshatrat: Drizar, Kud, Corush, Fshati Freskia-Kabina Lamce,Fshatra: Klos, Hekal, Molaj dhe Poçem.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Pa energji elektrike aktualisht janë 2784 abonentë rurale, gjithashtu dhe fiderat të cilet furnizojnë puset e naftës në rafineri. Ky veprim bie ndesh me ligjin e energjisë elektrike 43/2015 dhe akteve nënligjore të saj, kodin e shpërndarjes dhe rregulloren e shfrytëzimit të pajisjeve dhe impianteve elektrike pasi ka cënuar aktivitetet e rëndësishme të sektorëve strategjikë të shoqërisë OSHEE. Shoqeria OSHEE Group Sh.A e përfaqësuar në terren nga Drejtoria Rajonale Fier ka bërë kallëzim në organet kompetente si një veprim që cënon integritetin e sistemit shpërndarës të energjisë elektrike në Rajonin Fier.
