“Nuk e ndryshojmë qëndrimin tonë” Rama bën deklaratën e fortë për muxhahedinët: Janë të kërcënuar nga regjimi

Ditën e sotme kryeministri Edi Rama ka udhëtuar për në Bruksel, ku ndër të tjera ka zhvilluar dhe një takim me Sekretarin e Përgjithshëm të NATO-s, Jens Stoltenberg.

Në një konferencë të përbashkët, nën cilësinë e kreut të OSBE, Rama theksoi dhe njëherë se si përparësi në detyrën e tij do të jetë konfilti mes Rusisë dhe Ukrainës.

I pyetur dhe për muxhahedinët në Shqipëri, kreu i qeverisë shtoi se vendi ynë ka pritur njerëz që janë të kërcënuar nga një regjim, dhe paralajmëroi se do të vijojnë dëbimet ndaj kujto që do të thyejë rregullat diplomatike, duke kujtuar masat ekstreme që ka marrë ndaj përfaqësuesve të diplomacisë iranianë.

“Shqipëria ka pranuar që tu jap jetë mijëra njerëzve që kanë qenë të kërcënuar nga regjimi i Teheranit. Ne po ashtu kemi pritur dhe mijëra hebrenjë. E kemi bërë këtë gjë si mision humanitar dhe është një deklaratë kundër regjimit dhe nuk e ndryshojmë qëndrimin tonë, pasi janë të kërcënuar nga ky regjim. Ne kemi dëbuar nga vendi ynë ata që kanë qenë jashtë misionit diplomatik, pasi nuk jemi vetëm por jemi më të gjithë partnerët tanë”, deklaroi Rama gjatë fjalës së tij.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern