Në kërkim për vrasje/ Policia e Kosovës kërkon ndihmë nga qytetarët për kapjen e tij

Bujar Demiraj, 46-vjeçari nga Kosova, akuzohet për vrasje ndërsa policia e Kosovës ka publikuar foton e tij dhe kërkon ndihmë për kapjen e tij.

Për kapjen e 46-vjeçarit, Policia ka kërkuar ndihmën e qytetarëve për lokalizimin dhe arrestimin e tij. Gjithashtu ‘blutë’ e Kosovës, kanë publikuar edhe numrat e telefonit, në të cilët qytetarët mund të telefonojnë për të dhënë informacionet e tyre.

“Drejtoria Rajonale e Policisë në Pejë, çdo të premte do të publikojë nga një ose më shumë foto të personave në kërkim, për të cilët kërkohet ndihma e qytetarëve me qëllim, sjelljen e tyre para drejtësisë. Numrat e telefonit dhe adresat elektronike kontaktuese për të kontaktuar Policinë e Kosovës janë më poshtë: – 192 dhe 080019999 (pa pagesë)
– 039 432 327-Drejtoria Rajonale Pejë,”-thuhet ndër të tjera në njoftimin e Policisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern