Kanë dalë disa emra që kanë aplikuar për të drejtuar Byronë Kombëtare të Hetimit (BKH), organ ky i konsideruar si FBI shqiptare.

Mësohet se kanë shfaqur interes emra të rëndësishëm të policisë.

Sipas informacioneve në garë për kreun e BKH është Artan Shkëmbi, drejtues i Task-Forcës.

Interes për të qenë pjesë e BKH-së kanë shfaqur edhe shqiptarë që kanë punuar herët në poste të larta drejtuese, por që aktualisht jetojnë në SHBA. Njëri prej tyre është edhe Fatos Dervishi, i cili në fillim të viteve ’90 ka qenë zv. Prokuror i Përgjithshëm. Një nga kriteret kryesore për drejtuesin e BKH, krahas eksperiencës, janë dhe aftësitë e mira fizike.

Gjithsej deri më tani janë 7 persona që kanë shfaqur interes, ndërsa vetëm 4 kanë sjellë dokumentacionin e plotë, të cilin komisioni po e shqyrton.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Data 30 janar do të jetë dhe afati i fundit për drejtuesin e Byrosë Kombëtare të Hetimit.