LIGJET E BIZNESIT
Ish-zëvendëskryeministrja teknike Ledina Mandija ka fituar gjyqin ndaj kryeministrit Edi Rama për shkarkim të padrejtë nga detyra.
Mësohet se kryeministri do ta paguajë Mandijan me 6 paga mujore për shkak të zgjidhjes së kontratës së shërbimit publik pa shkak të arsyeshëm.
Mandija ishte drejtuese e Avokaturës së Shtetit në vitin 2013 kur Rama urdhëroi largimin e saj.
Ajo ndërkohë e çoj çështjen në gjykatë, njëkohësisht vijonte punën si zv.kryeministre.
Në zgjedhjet e 25 qershorit, Mandija erdhi si propozim i kryedemokratit Lulzim Basha dhe u vendos drejtuese e ‘Task Force’ për monitorimin e mbarëvajtjes së procesit zgjedhor.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Kujtojmë që Rama pasi humbi gjyqin me Francesco Beçheti, ka humbur një tjetër gjyq që do ta paguaj nga takstat e qytetarëve shqiptarë, shkruan newsbomb.
Vendimi i gjykatës:
Në vendimin e zbardhur që disponon tirananeës.al, thuhet se “gjykata pranon pjesërisht kërkesë-padinë të bazuar në ligj e prova.
2. Konstatimin e pavlefshmërisë së aktit administrativ, Urdhrit nr.156, datë 07.10.2013 të palës së paditur Kryeministrit të RSh-se “Për lirimin nga detyra” si Avokat i Përgjithshem i Shtetit të paditëses Ledina Mandija.
3. Rregullimin e pasojave të kësaj pavlefshmërie duke u detyruar pala e paditur Avokatura e Shtetit e RSh-së të dëmshpërblejë paditësen me 6 paga mujore për shkak të zgjidhjes së kontratës së shërbimit publik pa shkak të arsyeshëm”, thuhet në vendim.
Nga ana tjetër, gjykata ka vendosur rrëzimin e padisë sa i takon pjesës tjetër të kërkimeve ne objekt si dhe për aq sa i kundrejtohet palëve të tjera të paditura Kryeministrit të RSh-së dhe Ministrisë së Drejtesisë.
Ndërkohë shpenzimet gjyqësore i janë ngarkuar Avokaturës së Shtetit në përpjestim me pjesën e pranuar te padisë./ newsbomb.al
