“Bashës i është pezulluar hyrja në SHBA” trondit Spahiu: Ka bërë pakt të fshehtë me Ramën

Mbrëmjen e djeshme ish-kreu i “Aleancës Kuq e Zi” Kreshnik Spahiu  ka bërë një deklaratë të fortë.

I pranishëm në lidhje direkte në programin “Open” ai është shprehur se ka informacione të sakta 100%, ku sipas tij Bashës i është pëzulluar hyrja e përkohshme në SHBA përpara 3 muajsh.

Ai shton se kryedemokrati është në një presion të brendshëm dhe të jashtëm, gjë që e ka detyruar të bëjë pakt të fshehtë me kryeministrin Edi Rama.

“Ka dy ngjarje që kanë kaluar pa u vënë re, që kanë çuar në një marrëveshje me Ramën. Ka një pakt të ri. Tre muaj më parë Bashës i është pezulluar hyrja në SHBA. Lulzim Basha është në presion të brendshëm dhe të jashtëm. Tre muaj më parë përpara se të udhëtonte i është pezulluar hyrja e përkohëshme në SHBA dhe është detyruar ta anulojë të gjithë axhendën dhe vizitën e tij. I kam 100% këto informacione të sigurta dhe PD të sqarojë pse Basha pas 4 muajsh nuk ka shkuar në SHBA”, deklaroi Kreshnik Spahiu.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern