Alpinisti rrëshket dhe thyen këmbën, helikopteri niset për ndihmë në malin e Tomorrit

Një alpinist ka rrëshkitur në Malin e Tomorrit mesditën e sotme, ku fatkeqësisht ka thyer këmbën. Nga Tirana është nisur drejt zonës ku ndodhen alpinistët, një helikopter i Ministrisë së Shëndetësisë për ta transportuar drejt Spitalit.

Mësohet se 4 alpinistë kishin shkuar për të eksploruar Malin e Tomorrit por gjatë ecjes në mal, njëri prej tyre ka rrëshkitur në një zonë të thepisur. Ai është ndihmuar nga alinistët e tjerë për t’u nxjerrë nga vendi i rrezikshëm ku rrëshkiti.

Burime të Komisariatit të Policisë Skrapar, konfirmojnë se, 4 alpinistët kishin kaluar Çesmën e Tarikos dhe po i drejtoheshin pikës më të lartë të Malit të Tomorrit, në momentin kur njëri prej tyre rrëshkiti.

Gjithashtu, mësohet se, alpinistët janë të gjithë shqiptarë por identitetet e tyre nuk janë bërë ende të ditura.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern