“12 mijë pedagogë pa rrogë”, deklarata e fortë e Vokshit

Ish-deputetja e Partisë Demokratike ka reaguar në lidhje me rrogat e pa marra të pedagogëve. Përmes një postimi në rrjetin social Facebook, Vokshi deklaron se 12 mijë pedadogë janë ende pa rrogë dhe se janë detyruar të marrin borxh për të shlyer faturat e shërbimeve jetike

Postimi i plotë:

Buxheti i koncensioneve dhe shëtitjet për propagandë lënë ende pa rroga pedagogët.

12 mijë familje pedagogësh presin pagën që ua mban qeveria për allashverishet e saja.

Dita e 10 e muajit janar dhe ende asnjë pedagog nuk ka marrë rrogën, ndërkohë që entourage-i qeveritar ha e pi në restorante të shtrenjta, ku shishja e verës kushton 500 euro.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Paga, e ardhura e vetme në familjen e pedagogëve i ka detyruar shumicën e tyre të marrin borxh për të shlyer faturat e shërbimeve jetike.

Partia Demokratike kërkon që Qeveria të kalojë urgjentisht  pagat  e pedagogëve e të lehtësojë sadopak fillimin e këtij viti për 12 mijë familje e për dhjetëra mijëra fëmijë.