PS zgjedh të preferuarin e saj, ja kë do të votojë sot për Kryeprokuror (EMRI)

Në mbledhjen e zhvilluar pak minuta përpara se të niste seanca e sotme në Kuvend, grupi parlamentar i Partisë Socialiste ka vendosur që të mbështesë kandidaturën e Olsian Celës për Kryeprokuror.

Burime nga Partia Socialiste bëjnë me dije se u vendos që të mbështetej kandidati  i parë në listën që KLP i ka dorëzuar Kuvendit, ku Olsian Çela ka marrë më shumë pikë se kryeprokurorja aktuale, Arta Marku, e cila renditet e dyta.

Ende nuk dihet nëse Partia Socialiste së bashku me deputetët e opozitës së re dhe të pavarurit do të mund të sigurojnë 84 votat e nevojshme që do të duhen për të zgjedhur Prokurorin e ri të Përgjithshëm.

Pavarësisht këtij fakti, nëse Kuvendi nuk arrin të sigurojë 2/3 e votave, atëherë automatikisht i pari kandidat në listën e KLP do të marrë  detyrën e Prokurorit të Përgjithshëm të Shqipërisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern