LIGJET E BIZNESIT
Mbledhja e sotme e grupit parlamentar të Partisë Socialiste është shoqëruar me debate të ashpra, pak përpara seancës në Kuvend ku pritet të miratohet edhe paketa “anti-shpifje” për mediat online.
Përplasja ndodhi pasi ish-ministri i jashtëm Ditmir Bushati ka kundërshtuar ashpër ligjet e propozuara nga Partia Socialiste.
Ai ka theksuar se ky ligj është në kundërshtim me Këshillin e Europës, i cili nuk e ka kërkuar një gjë të tillë.
“Po nxitohemi me këtë ligj” u shpreh Bushati.
Nga ana tjetër Balla është përgjigjur se kjo paketë ka marrë dakordërsinë e OSBE dhe sot do të miratohet varianti i përmirësuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Nga ana tjetër shoqëria civile dhe gazetarët vijojnë protestën e tyre në sheshin para Kuvendit.
Kujtojmë se kjo paketë ligjore është kundërshtuar fort edhe nga gazetarë, organizata të medias vendase e të huaja, pasi shprehen se kjo cënon fjalën e lirë.
Institucioni më i fundit që doli kundër është dhe Avokati i Popullit, i cili e cilësoi këtë paketë si jo në përputhje me standartet ndërkombëtare.
