Përfundon shorti në Presidencë, njihuni me 9 anëtarët e rinj të KED (EMRAT)

Ditën e sotme është hedhur shorti për anëtarët e rinj të Këshillit të Emërimeve në Drejtësi (KED).

KED është organi i vetëm i ngarkuar nga ligji për hartimin e listës së kandidatëve për anëtarë në Gjykatën Kushtetuese.

Në përfundim të procesit janë përzgjedhur edhe 9 emrat, ku dy prej tyre u zgjodhën nga Gjykata Kushtetuese, të cilat janë Fjona Papajorgji dhe Vitore Tusha.

Ndërkohë mësohet  se Marsida Xhaferllari do të jetë anëtare zëvendësuese.

Artan Dvorani është zgjedhur automatikisht anëtar i KED nga Gjykata e Lartë pasi ishte i vetmi kandidat nga ky institucion.

Arta Marku është zgjedhur anëtare e Këshillit të Emërimeve në Drejtësi, si përfaqësuese e Prokurorisë së Përgjithshme.

Nga Gjykata e Apelit janë zgjedhur si anëtarë të KED, Miranda Andoni dhe Saida Dollani. Nga Prokuroritë e Apelit Ludovik Dodaj dhe Fatjona Memçaj. Nga Gjykatat Administrative është zgjedhur Arjan Qafa.

Anëtarët nga Gjykata Kushtetuese:

Fjona Papajorgji

Vitore Tusha

Anëtarë nga Gjykata e Lartë:

Ardian Dvorani (I zgjedhur automatikisht)

Anëtarët nga Prokuroria e Përgjithshme:

Arta Marku

Anëtarët nga Gjykatat e Apelit:

Miranda Andoni

Saida Dollani

Anëtarët nga Prokuroritë e Apelit:

Ludovik Dodaj

Fatjona Memçaj

Anëtarët nga Gjykatat Administrative:

Arjan Qafa